ABŞ səfirliyindən “Greencard”la bağlı XƏBƏRDARLIQ
29.05.2020 09:50
ABŞ-ın Azərbaycandakı səfirliyi 2021-ci ilin "Greencard” viza proqramı ilə bağlı saxtakarlıqların edilməsi barədə xəbərdarlıq yayıb.
"Bu cür saxta elektron poçt və məktubların müəllifləri "Greencard” proqramının ərizəçilərindən ödəniş əldə etmək istəyirlər. Bunun üçün özlərini ABŞ hökumətinin nümayəndəsi kimi təqdim edirlər”, - deyə səfirliyin müraciətində qeyd olunub.
Bildirilib ki, bundan əlavə, yerli viza təşkilatları, "Greencard” proqramına daxil etmək məqsədi ilə şəxsi məlumatları vermək üçün müraciət edə bilərlər.
Səfirlik bəyan edib ki, bu təşkilatlar yalnız öz maraqlarını güdür:
"ABŞ səfirliyi heç bir yerli "Greencard” təşkilatı ilə çalışmır və ya dəstək göstərmir”. ABŞ səfriliyi vurğulayıb ki, "Greencard” qazanmaq istəyənlər yalnız Dövlət Departamentinin rəsmi saytı (http://www.dvlottery.state.gov) vasitəsilə, heç kimə ödəniş ödəmədən ərizələrini göndərə bilərlər.
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Foto
Video
