ABŞ-da ikinci gündür 70 mindən çox insan koronavirusa yoluxub

Koronavirusa yoluxma sayına görə siyahıya başçılıq edən ABŞ-da son 24 saat ərzində 70 min 674 insana COVID-19 diaqnozu qoyulub.

Yeniavaz.com "Sözcü"yə istinadən xəbər verir ki, yoluxma ilə bağlı açıqlanan rəqəmlər Con Hopkins Universiteti tərəfindən verilib. Bununla da ABŞ-da ikinci gündür 70 mindən çox insanda yoluxma halı qeydə alınıb. 

Ölkə üzrə yoluxma faktı 3 milyon 647 min 237 -yə qalxıb. Son 24 saatda 912 nəfər həyatını itirib. Ümumilikdə isə ölənlərin sayı 139 min 255 nəfər olub.