Gürcüstanda koronavirusa yoluxanların sayı 30 mini ötdü

Gürcüstanda son sutkada daha 1 872 nəfərin koronavirusla bağlı testi pozitiv nəticələnib, 603 nəfər sağalaraq evə buraxılıb, 14 pasiyent isə vəfat edib.

"Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Bununla da qonşu ölkədə indiyədək təsdiqlənən COVID-19-a yoluxma hallarının sayı 30 303-ə çatıb. Sağalanların sayı 11 370, vəfat edənlərin sayı isə 215 olub.