Ermənistanda yenidən parlament seçkiləri keçiriləcək - Köçəryan

Ermənistanda yenidən növbədənkənar parlament seçkiləri keçiriləcək. Növbəti növbədənkənar parlament seçkiləri ən geci 1,5 il sonra olacaq.

"Ölkə.az” erməni mediasına istinadən xəbər verir ki,  belə bir bəyanatla sabiq prezident, "Ermənistan” blokunun lideri Robert Köçəryan çıxış edib.

Onun sözlərinə görə, belə bir seçkinin keçirilməsinə ehtiyac duyulur. "Biz hakimiyyətə sakit oturmağa imkan verməyəcəyik. Çünki onlar öz günahlarını  nə başa düşür, nə də ki, qəbul edir. Biz onlara  kimin  günahkar və məsuliyyət daşımalı olacağını göstərəcəyik”- Köçəryan qeyd edib.