Azərbaycan 3 ölkədə turizm nümayəndəliyi açmaq istəyir

Dövlət Turizm Agentliyi nümayəndəliklərinin coğrasiyasını daha da genişləndirmək istəyir.

Bunu  Dövlət Turizm Agentliyinin (DTA) mətbuat katibi Kənan Quluzadə deyib.

Onun sözlərinə görə, Azərbaycan daha 3 ölkədə turizm nümayəndəliyi açmaq niyyətindədir:

"Bizim digər prioritet bazarlarımız da var. Misal üçün, pandemiyadan öncə planlaşdırırdıq ki, Ukrayna, Cənubi Koreya və Yaponiyada belə nümayəndəliklərin açılması məsələsinə baxılsın. Əlbəttə pandemiyaya görə bu məsələlər bir az sonraya qalıb. Amma İsraildə açdığımız yeni nümayəndəlik həm də ona işarədir ki, artıq turizm bərpa olunur və yenidən bazarlarda birbaşa fəal iş başlayır”.