Ermənistanda kütləvi tətil elan edilib

Ermənistanın paytaxtı İrəvanda təcili tibbi yardım əməkdaşları kütləvi tətilə başlayıblar.

Onlar əməkhaqlarının az olmasına etiraz edirlər.

Həkimlər maaşlarının artırılması ilə bağlı zəmanət verilməyənədək aksiyanı dayandırmayacaqlarını söyləyiblər.

Təcili tibbi yardımın sürücülərindən biri Sejik Qasparyanın sözlərinə görə, son aylar zənglərin sayı iki dəfə artsa da, maaşlar olduğu kimi qalıb. S.Qasparyan bildirib ki, onlar gün ərzində orta hesabla 17 çağırışa cavab vernəli olduqları halda, indi zənglərin sayı otuza çatıb. Onların aylıq maaşı isə təxminən 111300 dram (210 dollardır).