40 ölkə bu məhsuldan imtina edəcək

 

Böyük Britaniya, Polşa, Vyetnam və Çili kimi aparıcı kömür istifadəçiləri də daxil olmaqla 40-dan çox ölkə kömürdən istifadəni dayandırmağı öhdəsinə götürüb.

Müqaviləni imzalayanlar elektrik enerjisi istehsalında kömürdən istifadəyə dair bütün yerli və beynəlxalq investisiyaları dayandırmağı planlaşdırırlar.

Böyük iqtisadiyyatlar 2030-cu ilə qədər, daha kasıb ölkələr isə 2040-cı ilə qədər kömür enerjisini mərhələli şəkildə dayandırmağa razılaşıblar. Bir çox iri banklar kömür sənayesini maliyyələşdirməyi dayandırmağa söz verib.

 

Çin, ABŞ, Avstraliya və Hindistan da daxil olmaqla dünyanın ən çox kömürdən asılı olan bəzi ölkələri isə bu öhdəliyə qoşulmayıb.

Azərbaycan konfransda yeni hədəflə çıxış edərək, 2050-ci ilə qədər əlavə könüllü öhdəlik kimi emissiyaların 40 faizədək azaldılmasını və işğaldan azad edilmiş ərazilərdə "netto sıfır emissiya” zonasının yaradılmasını bəyan edib. Eyni zamanda, ağıllı şəhər/ağıllı kənd konsepsiyasının reallaşması və bu ərazilərdə "Yaşıl Enerji Zonası”nın yaradılması planları haqqında danışılıb. 

 

Fidan Salmanova