Saakaşviliyə kömək edən məmurlar işdən çıxarıldı
10.12.2021 19:23
Gürcüstanın eks-prezidenti Mixail Saakaşvilinin Ukraynanı tərk etməsi ilə bağlı keçirilən rəsmi yoxlama nəticəsində ölkənin dövlət sərhəd xidmətinin bir neçə əməkdaşı intizam məsuliyyətinə cəlb edilib.
"Qafqazinfo” "Sputnik Gürcüstan”a istinadən xəbər verir ki, bu barədə idarənin mətbuat katibi Andriy Demçenko bildirib.
Gürcüstan prokurorluğunun məlumatına görə, eks-prezident Ukraynanın Çernomorsk şəhərindən Gürcüstanın Poti limanına gələn bərədə yük konteynerində gizlənərək, Ukraynanın dövlət sərhədini qanunsuz keçib.
"Mən istintaqın bütün təfərrüatını açıqlaya bilmərəm, çünki materiallarda məhdud çıxışı olan məlumatlar var, lakin qeyd edirəm ki, onlar müvafiq ibtidai istintaq orqanına göndərilib və bu faktla bağlı cinayət işi açılıb. İntizam məsuliyyətinə cəlb edilib”, - Demçenko "Ukrayna həqiqəti" nəşrinə bildirib.
O, intizam cəzasının nə olduğunu və neçə nəfəri əhatə etdiyini açıqlamayıb.
Həmçinin, sərhədçilər işin araşdırılmasına istinad edərək, Saakaşvilinin sərhədi qanunsuz keçmə faktının müəyyən edilib-edilməməsinə cavab verməyiblər.
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
