Nazarbayevin ən vacib səlahiyyəti əlindən alındı

Qazaxıstan Parlamentinin Senatı (yuxarı palatası) respublikanın birinci prezidenti Nursultan Nazarbayevin Təhlükəsizlik Şurasına və Qazaxıstan Xalqları Assambleyasına (QXA) ömürlük sədrliyinin ləğv edilməsi ilə bağlı düzəlişlər qəbul edib.

Anews.az "TASS”a istinadən xəbər verir ki, parlament iclası qanunverici orqanın saytında yayımlanıb.

Yanvarın 19-da isə dəyişiklikləri parlamentin aşağı palatası olan Məclisin deputatları təsdiqləyib. Mövcud qanunvericilikdən Nazarbayevə ömürlük Təhlükəsizlik Şurasına və QXA-ya rəhbərlik etmək hüququ verilən müddəalar çıxarılıb.