Elon Maskın oğlu adını və cinsiyyətini dəyişdirir
21.06.2022 13:40
"SpaceX” və "Tesla” şirkətlərinin təsisçisi İlon Maskın oğlu Ksavyer cinsini dəyişmək və öz soyadından imtina etmək üçün məhkəməyə müraciət edib. Bu barədə məlumatı "Daily Mail” yayıb.
18 yaşı tamam olan Mask Los-Anceles məhkəməsinə apreldə müraciət etsə də, bu barədə məlumatlar mediaya bu yaxınlarda sızıb. Müraciətlə bağlı məhkəmə sənədləri PlainSite.org saytında yerləşdirilib.Aydın olub ki, Ksavyer Aleksandr Mask sənədlərdə cinsinin rəsmi olaraq kişidən qadına dəyişdirilməsi və adının Vivian Cenna Uilson kimi qeydiyyata alınması üçün məhkəməyə müraciət edib.
Maskın oğlu qərarını onunla izah edir ki, o, bioloji atası ilə yaşamır, həmçinin onunla heç bir şəkildə və hər-hansı formada qohum olmaq istəmir. Ksavyer Maskın adını dəyişdirdikdən sonra atasından maliyyə yardımı alıb-almayacağı açıqlanmayıb.
İlon Mask 2000-ci ildə kanadalı yazıçı Castin Uilson ilə ailə həyatı qurub. 2002-ci ildə cütlüyün bir oğlu dünyaya gəlsə də, körpə 10 gündən sonra dünyasını dəyişib. Daha sonradan cütlüyün Ksavyer və Qrifin adlı əkizləri, Demian, Kai və Sekson adlı üçəmləri dünyaya gəlib. Mask və Uilson 2008-ci ildə ayrılıb.
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
