Politico: Aİ liderləri iyulda ilk dəfə Kiyevə hərbi yardımla bağlı yeni vədlər vermədilər

Avropa Ukraynaya hərbi yardımın həcmini azaltmağa başladı. Politico yazır ki, iyulda altı ən böyük Avropa ölkəsi müharibə başlayandan bəri ilk dəfə Ukraynaya yeni hərbi öhdəliklər təklif etməyib.

Kiel Dünya İqtisadiyyatı İnstitutunun tərtib etdiyi Böyük Britaniya, Fransa, Almaniya, İspaniya, İtaliya və Polşadan silah köçürmələri ilə bağlı son məlumatlar Avropa ölkələrindən gələn yardımların azaldığını göstərir.

Bu, Ukrayna hərbi rəsmilərinin və siyasətçilərinin çoxsaylı bəyanatlarını təsdiqləyir: Avropanın böyük dövlətləri hərbi yardımı ləngidir və ilkin olaraq Ukraynanın ən fəal köməkçiləri - Böyük Britaniya və Polşanın gücü tükənib.

Ukraynaya silah tədarükünü izləyən institut qrupunun rəhbəri Christophe Trebesh deyir ki, Avropanın Ukraynaya hərbi yardımla bağlı öhdəlikləri aprelin sonundan etibarən azalmağa başlayıb.

"Müharibə kritik mərhələyə daxil olsa da, yeni yardım təşəbbüsləri quruyub" deyir.

Latviyanın müdafiə naziri Artis Pabriks bundan əvvəl Politico-ya demişdi ki, Fransa və Almaniya kimi ölkələr Ukraynaya Rusiyanın təcavüzünə müqavimət göstərmək üçün daha çox kömək etməlidir.

Gülnar 

www.anews.az