Zaporojyedə daha 25 nəfər həyatını itirdi

Zaporojye vilayətinin Ukrayna Silahlı Qüvvələrinin nəzarətində olan hissəsində Rusiya hərbçilərinin humanitar yardım karvanına raket zərbəsi endirməsi nəticəsində azı 25 nəfər həlak olub. Bu barədə Telegram-da Zaporojye Regional Hərbi Administrasiyasının rəhbəri Aleksandr Starux məlumat verib.

Ukrayna Daxili İşlər Nazirliyi rəhbərinin müşaviri Anton Qeraşşenko bildirib ki, hücum nəticəsində 25 mülki şəxs həlak olub, 62 nəfər yaralanıb.

Ukrayna prezidentinin aparat rəhbərinin müavini Kirilo Timoşenko bildirib ki, konvoya S-300 komplekslərindən 16 raket atılıb.

Zaporojyenin inzibati mərkəzi yaxınlığında yerləşən nəzarət-buraxılış məntəqəsinə hücumdan sonra təcili yardım briqadaları həmin yerə yola düşüb.

Polis qrupları da hadisə yerindədir.


Hücum nəticəsində bir çox mülki avtomobilə ziyan dəyib. Raketin düşdüyü yerdə böyük dəlik əmələ gəlib.

Hücum qurbanlarının bəzi şəxsi əşyaları ətrafa səpələnib.


www.anews.az