Ukrayna mühacirət üçün müraciət edən Rusiya vətəndaşlarının ərizəsinə baxmayacaq

Ukrayna Miqrasiya Xidməti Ukrayna ərazisində ailə və ya əmək münasibətləri olmayan Rusiya vətəndaşlarından mühacirət, qeydiyyat və ya yaşayış icazələrinin dəyişdirilməsi ilə bağlı müraciətlərin qəbulunu dayandırıb. Bu barədə BBC agentliyi məlumat verib.

Miqrasiya Xidməti əvvəllər verilmiş ərizələrə baxılmasını dayandırır.


Departamentin rəsmi məlumatında deyilir ki, bu tədbirlər noyabrın 1-dən və hərbi vəziyyətin bütün müddəti ərzində (Ukraynada fevralın 24-də tətbiq edilib) qüvvədə olacaq.


Yalnız Ukrayna vətəndaşları ilə ailə və ya qohumluq əlaqələri olan Rusiya Federasiyasının vətəndaşları istisnadır. Bundan əlavə, məhdudiyyətlər Ukrayna Silahlı Qüvvələrində üç ildən artıq xidmət etmiş və ya işləmək üçün qanuni yolla Ukraynaya gəlmiş ruslara şamil edilməyəcək. Onlar sənədlərini yeniləmək üçün bir ay ərzində miqrasiya xidmətinə müraciət etməli olacaqlar.



www.anews.az