İranda öldürülən və həbs edilənlərin sayı açıqlanıb

İranda etirazlarda 440 nəfər həlak olub, 2400 nəfər həbs edilib Bu barədə ABŞ mərkəzli İranda İnsan Hüquqları Fəalları Təşkilatı teleqramda məlumat yayıb.

 

Bildirilib ki, ölənlərin 61-nin yaşı 18-dən az olan şəxslərdir.

17 sentyabr tarixindən aparılan hesablamaya görə, 18 059 nəfər həbs olunub. Onlardan 3 212 nəfərin kimliyi və saxlanılma yeri bəlli deyil. Eyni zamanda, həbs olunan 555 nəfər tələbədir. Nümayişlərə 163 universitetin öyrənciləri qoşulub.

Ölkənin 156 şəhərini əhatə edən aksiyalarda güc strukturlarının 56 nümayəndəsi öldürülüb.

 

İran məhkəmə sisteminin sözçüsü Məsud Sitayeşi daha 1118 nəfərin hökumətin müxaliflərə qarşı təqibləri çərçivəsində ittiham olunduğunu və işlərinə baxılmasını gözlənildiyini açıqlayıb.

Sitayeşinin dediyinə görə, sentyabrın ortalarından bu günə kimi ölkəni bürümüş nümayişlərdə rol oynadıqları üçün İran üzrə ümumilikdə 2432 etirazçı məhkəmələr tərəfindən ilkin hökmlər alıb.

İnsan Haqları Təşkilatlarının noyabrın 21-i axşam saatları yaydıqları məlumata görə, İranda etiraz aksiyaları başlayandan bu günə kimi 17 mindən çox vətəndaş həbs edilib.