Aİ Rusiyaya qarşı sanksiyaları daha bir il uzadıb

 

Bildirilir ki, müvafiq qərar sabah, fevralın 22-də qüvvəyə minir və Rusiyanın Luqansk, Donetsk, Zaporojye və Xerson vilayətlərinin bir hissəsini qanunsuz işğal etməsinə aiddir. 

"Avropa İttifaqı beynəlxalq səviyyədə tanınmış sərhədləri daxilində Ukraynanın suverenliyi və ərazi bütövlüyünü dəstəkləməkdə sabit qalır və Rusiyanın qeyri-qanuni ilhaqı ilə bağlı tanınmamaq siyasətini tam şəkildə həyata keçirmək əzmindədir. Birlik bunu tanımır və Rusiya Federasiyasının Ukrayna ərazilərinin işğalını beynəlxalq hüququn pozulması kimi pisləməyə davam edir”,  məlumatda deyilir.

Rusiyanın Ukraynaya genişmiqyaslı hücumundan sonra Avropa İttifaqının hakimiyyət orqanları Rusiya Federasiyasına qarşı doqquz sanksiya paketi qəbul edib və bu, 1,5 minə yaxın rusiyalıya və Rusiya iqtisadiyyatının müxtəlif sahələrinə təsir edib.

İndi Aİ Rusiyanın Ukraynaya qarşı genişmiqyaslı müharibəsinin birinci ildönümünə təsadüf edəcək 10-cu sanksiyalar paketini hazırlayır. Eyni zamanda, Polşa və Baltikyanı ölkələr Rusiyanın əksər təbliğat vasitələrinin  sanksiyalar paketinə daxil edilməsində tərəfdarıdırlar.

 

Aytac Zeynalova