İndoneziyada torpaq sürüşməsi nəticəsində ölən şəxslərin sayı artıb

İndoneziyanın Riau Adaları vilayətində baş vermiş torpaq sürüşmələri nəticəsində 46 nəfər həyatını itirib. Bu barədə xarici mətbuata İndoneziyada Fəlakətlərin İdarə Olunması üzrə Milli Agentliyin sözçüsü Abdul Muhari bildirib.

Muhari bildirib ki, həlak olanların 24-ü kişi, 22-si qadındır.

Həmçinin əlavə edilib ki, əlverişsiz hava şəraitinə baxmayaraq axtarış-xilasetmə əməliyyatları davam etdirilir.

 

Məlumata görə, 2 mindən çox yerli sakin isə daha təhlükəsiz ərazilərə təxliyə edilib.

Ölənlərlə yanaşı itkin düşən 9 nəfərin axtarışları davam edir.