BMT İqtisadçılarının 2023-cü il üçün Proqnozları: Onilliyin ən aşağı göstəricisi

Növbəti il bu amillərin təsiri daha da artacaq və dünya iqtisadiyyatının artımı son onilliklərin ən aşağı göstəricisi olacaq. 2024-cü ildə qlobal ÜDM sürətlənməsi nəticəsində 2,7 faiz əlavə olunsa da, ölkədə müharibənin gedişindən, təchizat zəncirində gələcək fasilələrdən və inflyasiya ilə mübarizə tədbirlərindən asılı olacaq.

"Pul siyasəti kontekstində inkişaf etməkdə olan ölkələrin mərkəzi banklarının böyük əksəriyyətinin izlədiyi aparıcı mərkəzi bankların inflyasiyaya reaksiyası dünya iqtisadiyyatını çətin vəziyyətə salıb”, - deyə BMT-nin Departamentinin eksperti Qriqor Ağabekyan bildirib. 

Mütəxəssislər inkişaf etmiş ölkələrdə artımın əhəmiyyətli dərəcədə aşağı düşəcəyini proqnozlaşdırır. Belə ki, ABŞ-da iqtisadi artım 2021-ci ildəki 5,7 faizdən 2022-ci ildə 1,8 faizə enib, 2023-cü ildə isə BMT-nin proqnozlarına görə, bu göstərici cəmi 0,4 faiz olacaq.

Avropanın iqtisadi perspektivləri Ukraynadakı müharibənin nəticələri ilə əlaqədar olaraq yaxşı olacağını düşündürür . Avropa İttifaqının ÜDM artımının 2023-cü ildə cəmi 0,1 faiz olacağı gözlənilir.

Ağabekyan bildirib ki, "Avropa ölkələrinin bir çoxunun 2022-2023-cü illərin qışında mülayim tənəzzül yaşayacaq. Çünki yüksək inflyasiya ev təsərrüfatlarının alıcılıq qabiliyyətini azaldır, şirkətlərin istehsal xərclərini artırır,  yüksək faiz dərəcələri maliyyə şərtlərini sərtləşdirir və bu, böyük büdcə fonunda kəsirlər və dövlət borcunun artan səviyyəsi hökumətlərin iqtisadiyyata əlavə büdcə dəstəyi vermək imkanlarını məhdudlaşdırır.” 

Qlobal maliyyə siyasətinin sərtləşdirilməsi, uzun sürən müharibə və yüksək səviyyəli geosiyasi qeyri-müəyyənlik səbəbindən artımın əhəmiyyətli dərəcədə ləngiməsi proqnozlaşdırılan MDB regionu da daxil olmaqla, inkişaf etməkdə olan ölkələri də qeyri-müəyyən və hətta tutqun iqtisadiyyat gözləyir.

Ağabekyan bildirib ki, "Yüksək inflyasiya, bir çox inkişaf etmiş və inkişaf etməkdə olan ölkələrdə pul siyasətinin sərtləşməsinə səbəb olub. Böyük inkişaf etmiş ölkələrin, başda  ABŞ-ın mərkəzi bankları tərəfindən faiz dərəcələrinin sürətlə artırılması, inkişaf etməkdə olan ölkələrdə kapital axınına və valyutanın ucuzlaşmasına gətirib çıxardı ki, bu da onların idxala çıxışını çətinləşdirdi və xarici borcun ödənilməsini artırdı.”

 

 

 

 Zinyət Mehtiyeva

 

 https://news.un.org/ru/story/2023/01/1436972