Gürcüstanda itkin düşənlərin sayı 35-ə çatıb
04.08.2023 17:50
Gürcüstanın şimal-qərbində torpaq sürüşməsi nəticəsində 6 nəfər ölüb, 35 nəfər itkin düşüb. Bu barədə Gürcüstan mətbuatı ölkənin Daxili İşlər Nazirliyinə istinadan yazıb.
Bildirilib ki, Raça-Leçxumi və Kvemo Svaneti kurort zonasından ümumilikdə 210 nəfər təhlükəsiz yerlərə təxliyə edilib. Xilasetmə əməliyyatı davam edir.
Nazirlik bildirib ki, cümə axşamı axşam saatlarında Raça-Leçxumi kurort şəhəri və Kvemo Svaneti bölgəsində baş verən sürüşmə nəticəsində 400 xilasedici və iki helikopterin iştirakı ilə axtarış-xilasetmə əməliyyatlarına başlanılıb.
Bu arada Gürcüstanın baş naziri İrakli Qaribaşvili təbii fəlakət bölgəsinə gəlib və vəziyyəti həll etmək üçün təcili iclas çağırıb, hökumətin əvvəllər Twitter kimi tanınan X sosial şəbəkəsində verdiyi bəyanatda deyilir.
Sürüşmə nəticəsində körpülərə və yollara ziyan dəydiyi üçün xilasetmə və axtarış işlərində yalnız helikopterlərdən istifadə edilir.
Aİ-nin Gürcüstandakı nümayəndəliyi hadisə nəticəsində dəyərli insanların itkisinə görə başsağlığı verib.
Baş verən hadisəyə görə Gürcüstanda matəm elan olunub.
Gülnar
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
