Polşada parlament seçkiləri keçirilir

Bu gün Polşada parlament seçkiləri keçirilir.

APA-nın xəbərinə görə, parlamentin aşağı palatasına – Seymə 460 deputat, parlamentin yuxarı palatasına isə 100 senator seçilməlidir. 30 milyon seçici ölkədə 31 497 seçki məntəqəsində səs verə bilər. Xarici ölkələrdə isə 417 seçki məntəqəsi açılıb.

Seymdə 460 yer uğrunda 655 namizəd, 100 senator uğrunda 360 namizəd mübarizə aparır. Seymə seçkilər proporsional əsasda keçirilir. Senatorlar isə majoritar qaydada seçiləcək.

Vətəndaş Platforması Partiyasının 32 faiz səs toplayacağı proqnozlaşdırılır. Bu iki partiyadan hər hansı seçkidə qalib gələrsə, hökumət formalaşdırmaq üçün koalisiyaya tərəfdaş axtarmalı olacaq. Hüquq və Ədalət Partiyasının koalisiyada tərəfdaşının radikal sağ Konfederasiya Partiyası olacağı gözlənilir. Bu partiya Ukraynaya yardımın dayandırılmasını tələb edir. Digər tərəfdən, hazırda Hüquq və Ədalət Partiyası uzun illərdir ki, məhkəmə sistemində islahatlar səbəbindən Brüssel ilə qarşıdurmadadır. Bundan əlavə, hakim partiyanın seçki kampaniyası anti-Almaniya çalarları ilə də diqqət çəkir.

ABŞ və Avropa İttifaqı ilə yaxınlaşmanın tərəfdarı olan Donald Tuskun partiyası isə ölkənin ödəniş vasitəsi kimi avroya keçəcəyini, 12 həftəliyə qədər abortları və eynicinslilərin evliliyini leqallaşdıracağını vəd edir.