KTMT-da birgə mətbuat mərkəzi yaradıla bilər
14.12.2023 09:41
Kollektiv Təhlükəsizlik Müqaviləsi Təşkilatı (KTMT) Katibliyində birgə mətbuat mərkəzinin yaradıla bilər. Bu barədə KTMT-nin mətbuat xidməti məlumat yayıb.
Bildirilib ki, KTMT-yə üzv dövlətlərin xarici işlər nazirliklərinin mətbuat xidmətlərinin (informasiya departamentlərinin) rəhbərləri qurumun katibliyində məsləhətləşmələr aparıblar. Təşkilatın fəaliyyəti haqqında obyektiv və dolğun məlumatın təbliği ilə bağlı məsələlər müzakirə olunub.
Onlar təşkilatın fəaliyyətini təhrif edən məlumatların yayılmasına qarşı birgə mübarizə üsullarını nəzərdən keçiriblər. Tərəflər aktual informasiya və analitik materialların operativ mübadiləsinə xüsusi diqqət yetirmək barədə razılığa gəliblər. Bundan əlavə, birgə hərbi təlimlər zamanı KTMT-nin birgə mətbuat mərkəzinin yaradılması ilə bağlı məsələlər də müzakirə olunub.
Kollektiv Təhlükəsizlik Müqaviləsi Təşkilatının "Sarsılmaz Qardaşlıq” adlı təlimləri artıq bir dəfə 2015-ci ildə Ermənistanda keçirilib. Həmin təlimlərdə Rusiya Mərkəzi Hərbi Dairəsinin sülhməramlı briqadasının hərbçiləri, o cümlədən Ermənistan, Qazaxıstan, Belarus, Qırğızıstan və Tacikistandan olan 500-ə yaxın hərbçi iştirak edib.
2022-ci ildə KTMT ölkələrinin "Sarsılmaz qardaşlıq” hərbi təlimləri Qırğızıstanda keçirilməli idi, lakin bu ölkənin Müdafiə Nazirliyi səbəbini açıqlamadan təlimləri ləğv edib.
KTMT 1994-cü ildə qüvvəyə minib. O zaman təşkilat 9 ölkədən ibarət olub. Daha sonra Azərbaycan, Gürcüstan və Özbəkistan bu təşkilatı tərk edib.
Gülnar
2022-ci ildə KTMT ölkələrinin "Sarsılmaz qardaşlıq” hərbi təlimləri Qırğızıstanda keçirilməli idi, lakin bu ölkənin Müdafiə Nazirliyi səbəbini açıqlamadan təlimləri ləğv edib.
KTMT 1994-cü ildə qüvvəyə minib. O zaman təşkilat 9 ölkədən ibarət olub. Daha sonra Azərbaycan, Gürcüstan və Özbəkistan bu təşkilatı tərk edib.
Gülnar
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
