Bayden və Zelenski təhlükəsizlik müqaviləsi imzalayıblar️

ABŞ prezidenti Co Bayden İtaliyada keçirilən "G7” sammiti çərçivəsində Ukrayna lideri Vladimir Zelenski ilə Vaşinqton və Kiyev arasında 10 illik təhlükəsizlik sazişi imzalayıb. Bu barədə Reuters agentliyi məlumat yayıb.


Məlumata görə, ABŞ Ukraynaya hərbi məhsullar, kəşfiyyat məlumatları, hərbi təlimlər, hərbi sənaye kompleksinin inkişafı ilə bağlı yardım göstərmək niyyətindədir.


"Ukraynanın təhlükəsizliyini təmin etmək üçün hər iki tərəf Ukraynanın Şimali Atlantika Müqaviləsi Təşkilatının standartlarına cavab verən əhəmiyyətli silahlı qüvvələrə, güclü imkanlara və hərbi sənaye kompleksinə davamlı investisiyalara ehtiyacı olduğunu qəbul edir” -  sazişdə qeyd olunur. 


.Aprelin 24-də ABŞ Senatı Ukrayna, İsrail və Tayvanın təmsil olunduğu müttəfiqlərə xarici yardım haqqında qanun layihəsini qəbul edib . Xüsusilə, söhbət Kiyevə hərbi yardım üçün təxminən 61 milyard dolların ayrılmasından gedir .


Sənədin lehinə 75 senator səs verib. Daha 17 deputat isə buna qarşı çıxıb.


Aytac Zeynalova 

www.anews.az