Durovun həbsindən sonra ABŞ və Fransada telegram daha çox yüklənməyə başlanılıb

 

Qeyd olunur ki, Fransada messencer "Sosial şəbəkələr” kateqoriyasında "iOS App Store”da yükləmələrin sayına görə birinci yerə yüksəlib və ümumilikdə proqramların reytinqində üçüncü olub. Telegram Amerika Tətbiq Mağazasında ikinci ən çox yüklənən sosial şəbəkə proqramı olub və dünyada iOS-da Telegram-ın endirilmə sayı 4% artıb.

Bir gün əvvəl axşam Fransada saxlanılan Pavel Durovun həbs müddəti uzadılıb. Fransa mətbuatının məlumatına görə, sahibkar çərşənbə günü, avqustun 28-nə kimi həbsdə qalacaq.

Durov avqustun 24-də axşam Fransanın Le Burje hava limanında şəxsi təyyarədən enərkən saxlanılıb. İş adamı ölkəyə Azərbaycandan gəlib.

Fransa polisi Reuters agentliyinə bildirib ki, sahibkar Telegram-da kiber və maliyyə cinayətləri ilə bağlı əməkdaşlıqdan imtina etməkdə ittiham olunur.

 

Onlar əlavə ediblər ki, Durov kibercinayətkarlıq və fırıldaqçılıqla mübarizə üzrə milli departamentlər tərəfindən araşdırılır.

 

 

Gülnar