Ankarada törədilən terror aktının icraçılarından birinin şəxsiyyəti müəyyən edilib

Türkiyənin daxili işlər naziri Ali Yerlikaya bildirib ki, çərşənbə günü Ankarada törədilən terror aktını həyata keçirən məhv edilmiş terrorçulardan birinin şəxsiyyəti müəyyən edilib. O, Kürdistan Fəhlə Partiyasının (PKK) üzvüdür.

"Dünən Tusaş müəssisəsinə hücum zamanı məhv edilən kişi terrorçunun şəxsiyyəti müəyyən edilib. Məlum olub ki, bu şəxs PKK terror təşkilatının üzvü olan Rojger ləqəbli Ali Örəkdir. Qadın terrorçunun şəxsiyyətini müəyyən etmək üçün işlər davam edir”, -  nazir X platformasında (əvvəllər Twitter) yazıb.