Gürcüstanda parlament seçkilərində "Gürcü Arzusu" partiyası qalib gəlib - Yenilənib

Gürcüstanda parlament seçkilərində səslərin sayılması prosesi başa çatıb.Bu barədə ölkənin Mərkəzi Seçki Komissiyası (MSK) məlumat yayıb.

Nəticələrə əsasən hakim "Gürcü Arzusu” Partiyası 53,92 % səs toplayıb.

Dörd müxalifət partiyası cəmi 37,78 % səs yığa bilib. Onlardan "Dəyişiklik Koalisiyası” 11,04 %; ”Vahidlik – Milli Hərəkat” 10,16 %; ”Güclü Gürcüstan” 8,81 %; ”Qaxariya - Gürcüstan naminə” Partiyası isə 7,77 % səs yığıb.

Marneulidəki 69 saylı məntəqədə kütləvi bülleten atılması hadisəsi baş verdiyi üçün səsvermənin nəticələri ləğv edilib.

 09:24

Gürcüstanın Mərkəzi Seçki Komissiyası 3 018 (97,011%) seçki məntəqəsində səsləri hesablayıb.

Nəticəyə əsasən "Gürcü ARzusu” 54,24% səs toplayıb. Hakim partiyanı 1 087 801 seçici dəstəkləyib.

4 qərbyönümlü müxalifət koalisiyası isə ümumilikdə 37,33% səs toplaya bilib.

 21:57

Bildirilib ki, hazırda səslərin 69,94%-i sayılıb. İndiki nəticələrə görə səslər belədir:

– Gürcü Arzusu – 52,98% (921 067 səs);

– "Birlik – Milli Hərəkat” ("Vahid Milli Hərəkat”, "Aqmaşenebeli Strategiyası”, "Avropa Gürcüstanı”) – 9,08% (170 442 səs);

– Dəyişiklik üçün Koalisiya ("Axali”, "Girçi – daha çox azadlıq”, "Droa”) – 11,99% (194 662 səs);

– Güclü Gürcüstan ("Gürcüstan üçün Lelo”, "Xalq üçün”, "Azadlıq Meydanı”, "Vətəndaşlar”) – 9,04% (157 143 səs);

– Gürcüstan üçün – 8,24% (143 289 səs).

Qalan partiyalar 5%-lik baryeri keçə bilməyiblər.

 19:30

Bölgələr üzrə faiz bölgüsü aşağıdakı kimidir:

Sameqrelo-Zemo-Svaneti – 47,84%; Tbilisi – 52,42%; Kaxeti – 51,33%; Mtsxeta-Mtianeti – 51,93%; Kvemo Kartli – 42,29%; Şida Kartli – 50,67%; Samtsxe-Cavaxeti – 52,38%; Raça Leçxumi – 61,81%; İmereti -51,26%; Quriya – 53,74%; Acarıstan – 53,05%.

 09:33

"Mən yeni Gürcüstana, 22 il əvvəl gəldiyim Gürcüstana, əcdadlarımın dua etdiyi Gürcüstana səs verdim. Axşam hamımız qalib olacağıq. Uduzan olmayacaq, çünki Gürcüstan qalib gələcək!”, - Zurabişvili jurnalistlərə açıqlamasında deyib.

 09:05

Gürcüstanda parlament seçkiləri keçirilir.

Səhər saat 8:00-da ölkə ərazisindəki bütün seçki məntəqələri səsvermə üçün açılıb.

Gürcüstan Mərkəzi Seçki Komissiyasının (MSK) sədri Giorgi Kalandarişvili bildirib ki, parlament seçkiləri ilə əlaqədar 3 min 111 seçki məntəqəsi açılıb. Bunlardan 3 min 44-ü Gürcüstandadır. Qalan 67-si isə 47 xarici ölkənin 53 şəhərində olacaq.