Zurabişvili Trampın andiçmə mərasiminə gedəcək

Gürcüstanın beşinci prezidenti Salome Zurabişvili yanvarın 20-də Donald Trampın Vaşinqtonda keçiriləcək andiçmə mərasimində iştirak edəcəyini təsdiqləyib.

"Mənim orada yüksək səviyyəli görüşlərim olacaq", - Zurabişvili yeni ofisində keçirdiyi mətbuat konfransında bildirib.

Zurabişvilini dekabrın 27-də, Mixeil Kavelaşvilinin Gürcüstanın altıncı prezidenti kimi inauqurasiyasından iki gün əvvəl respublikaçı konqresmen Co Vilson ABŞ-ın yeni prezidentinin andiçmə mərasiminə dəvət edib.

Kavelaşvili indiyədək heç bir dəvət almayıb.