Qəzza zolağında UNRWA-nın 300-ə yaxın əməkdaşı öldürülüb

2023-cü ilin oktyabrın əvvəlində Fələstin-İsrail münaqişəsi nəticəsində  BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyinin 270-dən çox əməkdaşı Qəzza zolağında həlak olub. Bu barədə UNRWA-nın kommunikasiya direktoru Juliette Touma bildirib.

"Müharibə başlayandan bəri Qəzza zolağında 270-dən çox əməkdaşımızı itirmişik”, - deyə Touma bildirib.

O bildirib ki, Qəzza zolağındakı obyektlərinin üçdə ikisi, o cümlədən köçkün ailələri üçün sığınacaqlar zədələnib.

 

Touma əlavə edib ki, İsrail hakimiyyəti hələ də UNRWA-nın 20 işçisini həbsdə saxlayır.

Yanvarın 30-da BMT baş katibinin sözçüsü Stephane Dujarric bildirib ki, UNRWA İsrail hakimiyyəti tərəfindən fəaliyyəti qadağan olunduqdan sonra belə Qəzza zolağı və İordan çayının qərb sahilində işini davam etdirir.

 

Yanvarın 28-də Rusiyanın BMT-dəki daimi nümayəndəsi Vasili Nebenzya ABŞ-ı İsrailə təzyiq göstərməyə çağırıb ki, UNRWA-ya qoyulan qadağanı aradan qaldırsın.