Ukraynanın nüvə silahına malik olma şansı yoxdur - ABŞ rəsmisi

Həftənin əvvəlində Ukrayna prezidenti Vladimir Zelenski britaniyalı jurnalist Pirs Morqana verdiyi müsahibədə yenidən nüvə silahını Ukraynanın təhlükəsizliyinin qarantı kimi qeyd edib.

"Bizə nüvə silahını qaytarın, raket kompleksləri verin, tərəfdaşlarımız milyonluq ordunu maliyyələşdirməyə kömək etsin, ölkəmizin sabitlik istədiyimiz bölgələrinə öz kontingentinizi yerləşdirin ki, insanlar sakitlik içində yaşasın", –  Zelenski bildirib.

Ukrayna 1994-cü ildə Budapeşt Memorandumu çərçivəsində nüvə silahından imtina edib. Rusiya, Ukrayna, Böyük Britaniya və ABŞ tərəfindən imzalanmış bu sənəd, Ukraynanın ərazi bütövlüyünə təminat verilməsini, bunun müqabilində isə nüvə silahından imtinanı nəzərdə tuturdu.