ABŞ-da ana dörd uşağını güllələyib

ABŞ-ın Vayominq ştatında bir qadın dörd azyaşlı qızını güllələyib, onlardan üçü ölüb. Dördüncüsü isə yaralanıb. Bu barədə AP xəbər agentliyi məlumat yayıb.

Sağ qalan yeddi yaşlı qızı xəstəxanaya yerləşdirilib. Yerli polisin məlumatına görə,  cinayəti törədən qadının 32 yaşı var. 

Qadının intihar etmək istədiyi və hətta 911-ə zəng edərək 4 qızını öldürdüyünü, indi də özünü öldürmək istədiyini bildirdiyi də məlum olub.

Dispetçerin psixoloji işi sayəsində hüquq-mühafizə orqanları və xilasedicilər hadisə yerinə gələnə qədər qadın telefonu qapatmayıb.

Dəhşətli hadisə ilə bağlı başqa təfərrüatlar açıqlanmayıb. 

Aytac