Nigeriyada təhlükəsizlik qüvvələrinin 10 əməkdaşı öldürülüb, yaralılar var

Nigeriyanın Zamfara əyalətində silahlı dəstə üzvlərinin hücumu nəticəsində təhlükəsizlik qüvvələrinin azı 10 əməkdaşı həlak olub.

Bu barədə  yerli mətbuatda xəbər yayılıb.

Qeyd edilir ki, silahlı dəstə üzvlərinin təhlükəsizlik qüvvələrinə hücumu zamanı təhlükəsizlik qüvvələrinin daha 14 əməkdaşı yaralanıb.

Zamfara valisi Dauda Laval hücumdan sonra keçirilən əməliyyatda çoxlu silahlı dəstə üzvünün öldürüldüyünü bildirib.

Nigeriya uzun müddətdir silahlı dəstələrin, həmçinin İŞİD-in Qərbi Afrika qolu olan “Boko Haram” və digər terror qruplarının hücumları ilə üzləşib. Ölkədə adam oğurluğuna görə ölüm hökmü qüvvədə olsa da, fidyə qarşılığında adam oğurluğu adi hala çevrilib. Silahlı şəxslər adətən ölkənin şimalındakı kəndləri, məktəbləri və səyahətçiləri hədəf alır, fidyə tələb edir.