İran ABŞ-la mümkün razılaşma ilə bağlı danışıqlara başlamağa hazırdır

Vaşinqton konstruktiv mövqe tutsa və nüvə proqramının tamamilə aradan qaldırılmasında israr etməyəcəksə, İran ABŞ-la gələcək sazişin şərtlərini müzakirə etməyə hazırdır. Bunu İslam Respublikası Xarici İşlər Nazirliyinin rəhbəri Abbas Əraqçi deyib. 

"Tramp İranı müharibə ilə hədələyir. Niyə həm ABŞ-a, həm də dünyaya zərər verəcək?Amerikalılar konstruktiv mövqe tutsalar, mümkün saziş üzrə danışıqlara başlaya biləcəyik. İranın zənginləşdirilməsi məsələsi real məsələdir və bəzi narahatlıqlara baxmayaraq, biz İranın nüvə proqramına etimadın gücləndirilməsi üzərində işləməyə hazırıq. Lakin zənginləşdirmə prinsipinin özü müzakirə mövzusu deyil", - o, jurnalistlərlə görüşündə vurğulayıb.

Yayım SNN kanalı tərəfindən həyata keçirilib.

Əraqçinin sözlərinə görə, Amerika tərəfi İrana qarşı tələbləri ilə bağlı ziddiyyətli bəyanatlar verməkdə davam edir. İranın xarici işlər naziri əlavə edib ki, Omandakı bu məsləhətləşmələr zamanı Tehran heç bir təzyiqə boyun əyməyəcək.

Bundan əvvəl Maskatda keçirilən danışıqlarda Amerika nümayəndə heyətinin rəhbəri, ABŞ prezidentinin xüsusi nümayəndəsi Stiven Vitkoff özünün X səhifəsində yazıb ki, Vaşinqtonun şərtləri ilə yeni nüvə sazişinin bağlanması İranın uranın zənginləşdirilməsi proqramının ləğvi demək olacaq.

Aprelin 12-də Omanda İranın nüvə proqramı ətrafında yaranmış vəziyyəti həll etmək üçün Tehran və Vaşinqton nümayəndələri arasında danışıqlar keçirilib. İran nümayəndə heyətinə Əraqçi, ABŞ-dan isə Vitkoff başçılıq edirdi. İslam Respublikasının Xarici İşlər Nazirliyinin məlumatına görə, görüş konstruktiv və sakit şəraitdə keçib və tərəflər məsləhətləşmələri davam etdirmək barədə razılığa gəliblər. Danışıqların ikinci raundu da aprelin 19-da Omanda baş tutacaq. 

Aytac