ABŞ Mərkəzi Kəşfiyyat İdarəsi rəsmisisinin oğlu Ukraynada ölüb

2024-cü ilin aprelinə ABŞ Mərkəzi Kəşfiyyat İdarəsi (CIA) rəsmisi Julian Gallina Gloss-un oğlu Maykl Gloss Ukraynadakı döyüşlərdə həlak olub. Bu barədə “Vajnie istorii” araşdırma saytı məlumat yayıb.

21 yaşlı amerikalı Rusiya Müdafiə Nazirliyi ilə müqavilə bağlayaraq Rusiya tərəfdə döyüşüb. Onun atası Lari Gloss ABŞ Hərbi Dəniz Qüvvələrinin İraq veteranıdır.

Maykl College of the Atlantic-də təhsil alıb, iqlim dəyişikliyi və abort qadağalarına qarşı etiraz aksiyalarında iştirak edib. 2023-cü ildə təhsilini yarımçıq qoyaraq dünyanı gəzməyə çıxıb. O, hippilərin “Rainbow Family” icmasının üzvü olub.

Maykl Türkiyənin Hatay bölgəsində zəlzələdən sonra bərpa işlərində iştirak edib, daha sonra Rusiyaya gedib. 2023-cü ilin avqustunda Vladiqafqazda olduğunu yazıb, Moskvada musiqi festivalına qatılıb, paytaxtda gecələməyə yer tapıb.

Sentyabrın 1-də vizasının bitmək üzrə olduğunu yazıb. 5 sentyabrda isə onun ad-soyadı Moskvanın səhiyyə sistemində qeydiyyata düşüb – ünvan kimi Rusiya Müdafiə Nazirliyinin çağırış məntəqəsi göstərilib. O, “Avanqard” təlim mərkəzində hərbi hazırlıq keçib və cəbhəyə göndərilib.

Mayklın ABŞ-da dəfn mərasimi 2024-cü il dekabrın 21-də baş tutub. Ailəsi nekroloqda onun Rusiya ordusunda xidmət etdiyini qeyd etməyib.