Kreml Putinin İrana səfər planını təsdiqləyib

Rusiya prezidenti Vladimir Putin İrana işgüzar səfərə dəvət alıb. Bu barədə onun mətbuat katibi Dmitri Peskov brifinq zamanı bildirib.

"Biz bu ölkə ilə tərəfdaşlığımızı və müxtəlif sahələrdə əlaqələrin inkişaf səviyyəsini yüksək qiymətləndiririk. Tarixlər hələ razılaşdırılmasa da, onlar olan kimi sizə məlumat verəcəyik", - Kreml nümayəndəsi jurnalistlərə bildirib.

Mayın 14-də İranın xarici işlər naziri Abbas Əraqçi bəyan edib ki, Tehran və Moskva Rusiya prezidenti Vladimir Putinin İslam Respublikasına səfərinə hazırlaşır. Diplomatın sözlərinə görə, Rusiya liderinin səfəri dövlətlər arasında münasibətlərin inkişafı üçün uzunmüddətli planın bir hissəsidir.

Həmçinin mayın 12-də İran hökumətinin sözçüsü Fatimeh Mohacerani bildirib ki, İran Rusiya prezidentinin səfərini gözləyir.

Aprel ayında Putin İranla Hərtərəfli Strateji Tərəfdaşlıq Sazişini ratifikasiya edən qanunu imzalayıb.

Aytac