ABŞ-də qasırğa nəticəsində 27 nəfər ölüb

ABŞ-da baş verən qasırğa nəticəsində 27 nəfər ölüb.Bu barədə “Sky News” xəbər verir

Ölənlərin 25-i Missuri və Kentukki ştatlarının payına düşür.

Təbii fəlakət nəticəsində bir sıra ştatlarda binalar dağılıb,yüz minlərlə insan işıqsız qalıb.

ABŞ Milli Meteoroloji Xidməti fırtına və tornadoların tezliklə Texas, Kanzas və Oklahoma ştatlarına doğru istiqamətlənəcəyi barədə xəbərdarlıq edib.

Qasırğanın gələn həftənin əvvəlinə qədər davam edəcəyi proqnozlaşdırılır.