Makron Trapma zəng edərək etiraz edib: Sizə görə çöldə gözləyirəm...

Fransa Prezidenti Emmanuel Makron, ABŞ Prezidenti Donald Trampın kortejinin keçəcəyi küçədə polis mühasirəsi ilə qarşılaşıb və buna görə Fransanın Nyu-Yorkdakı səfirliyinə səfərini yarımçıq dayandırmağa məcbur olub. Hadisə ilə bağlı məlumatı Brut onlayn portalı yayıb.

Polis, Makrona küçədəki hərəkətlərin dayandırıldığını bildirərək, “Çox üzr istəyirəm, cənab prezident, hazırda hər şey bağlıdır” deyib. Bu zaman Makron, vəziyyətin izahını almaq üçün ABŞ Prezidenti Donald Trampa telefonla zəng edərək, ona baş verənləri çatdırıb. “Təsəvvür edirsiniz, mən çöldə gözləyirəm, çünki sizin üçün hər şey bağlıdır”, –  Makron, Trampa narazılığını ifadə edib.

Hadisədən sonra, Makron şəhərdə yarım saat daha gəzərək, BMT-nin binasında keçirilən Fransa və Səudiyyə Ərəbistanının təşkil etdiyi konfransın ardından, Fələstin dövlətçiliyinin tanınması ilə bağlı bəyanat verib.

Sentyabrın 21-də BMT-nin Nyu-Yorkdakı mənzil-qərargahında keçirilən konfransda Andorra, Belçika, Lüksemburq, Malta, San Marino və Fransa Fələstin dövlətini tanıdıqlarını açıqlayıb. Bir gün sonra, sentyabrın 21-də isə Avstraliya, Böyük Britaniya, Kanada və Portuqaliya Fələstini rəsmən tanıyıblar. Bu ölkələrin bəyanatlarında "iki xalq üçün iki dövlət" prinsipinə sadiqlik, həm Fələstin, həm də İsrail xalqları üçün sülh və təhlükəsizlik yolunun açarı olduğu vurğulanıb.

Gülnar