Rusiyada milyarderlərin sayı artıb

ABŞ-ın aktivlərin idarəedilməsi şirkəti Altrata-nın hesabatına görə, Rusiyada və Böyük Britaniyada dollar milyarderlərinin sayı son bir ildə artaraq 128 nəfərə çatıb.

2024-cü ilin əvvəlindən Rusiyada milyarderlərin sayı 6 nəfər artıb, lakin onların ümumi sərvəti 469 milyard dollardan 457 milyard dollara düşüb.

Hesabata əsasən, Rusiya və Böyük Britaniya milyarderlərin sayına görə dünyada üçüncü və dördüncü yerləri tutublar.

Lider üçlük dəyişməyib: ABŞ (1 135 nəfər), Çin (321 nəfər) və Almaniya (170 nəfər).
Hindistan, İsveçrə, Honkonq, Fransa, İtaliya, Səudiyyə Ərəbistanı, Kanada, Sinqapur, Braziliya və BƏƏ də ilk 15-likdə yer alıb.

Araşdırma Wealth-X Altrata verilənlər bazasına əsaslanır və milyarderlərin bütün növ aktivlərini nəzərə alır. Milli mənsubiyyət əsas aktivin hüquqi ünvanına görə müəyyən edilir.

N.Təbrizli