Maduronun növbəti məhkəmə iclası martın 17-si keçiriləcək - Yenilənib

ABŞ-ın Nyu-York federal məhkəməsi Venesuela prezidenti Nikolas Maduro və həyat yoldaşı Siliya Flores işi üzrə növbəti dinləməni 17 mart tarixində keçirəcəyini açıqlayıb.Bu barədə Amerika mediası məlumat yayıb.

"Növbəti iclas 17 mart saat 11:00-da keçiriləcək", - hakim bildirib.

İlk dinləmə təxminən 30 dəqiqə davam edib.

Maduro və Flores federal narkotik və silah qanunu pozuntularında ittiham edilirlər. Cütlük məhkəmə qarşısında təqsirsiz olduqlarını bildirib. Maduro özünü hələ də Venesuelanın qanuni prezidenti adlandırıb və ittihamları rədd edib. 

Müdafiə tərəfi Maduronun və Floresin sağlamlıq problemlərinə diqqət çəkib və hər ikisinin müvafiq tibbi yardım tələb etdiyini vurğulayıb.

***

Nyu-Yorkda Manhettendəki Daniel Patrik Moynihan məhkəmə binasında narkoterrorizm və digər cinayətlərdə ittiham olunan Venesuela prezidenti Nikolas Maduro və həyat yoldaşı Siliya Flores ilə bağlı məhkəmə iclası başlayıb.Bu barədə  "Sky News" xəbər verir.