İslam alimləri “download” üçün fətva verdilər

 Türkiyənin rəsmi din qurumu “Diyanət” işləri virtual yükləmələr barədə fətva verib. Din işləri Ali Şurası ölkə vətəndaşlarından birinin bu istiqamətdə sualına cavab verib. Bildirilib ki, internetdən icazəsiz kitab, kompüter proqramı, musiqi, film və s. yükləmək qul haqqını pozduğu üçün günahdır. 

“Bu, əziyyətin qəsb edilməsidir. Müəlliflərə haqları qaytarılmasa və halallıq istənilməsə bu məsuliyyət ortadan qalxmaz. İslam dini əməyə böyük əhəmiyyət verir və haqsız qazanca qarşıdır. Qurani Kərimdə, “İnsana ancaq öz zəhməti qalar!” (Nəcm-39) buyurulur...”.

Xatırladaq ki, “Diyanət” daha əvvəl başqasına aid “Wi-Fi”dan icazəsiz istifadənin də haram olması barədə fətva vermişdi. 

ANN.Az