ABŞ xüsusi nümayəndəsi: Ukrayna üzrə danışıqlar İsveçrədə davam edəcək

Tərəflər razılığa gəlmək məqsədilə İsveçrə ərazisində Ukrayna ilə bağlı danışıqları davam etdirmək barədə razılığa gəliblər. Bu barədə ABŞ prezidentinin xüsusi nümayəndəsi Stiv Vitkov bildirib. 

Onun sözlərinə görə, Donald Tramp münaqişənin hər iki tərəfini eyni danışıqlar masasına gətirməyə nail olub və bu, prosesdə “əhəmiyyətli irəliləyiş” yaradıb.

Vitkov qeyd edib ki, məqsəd münaqişədə insan itkilərinin qarşısını almaq və siyasi razılaşmaya nail olmaqdır. O bildirib ki, tərəflər öz liderlərini mütəmadi məlumatlandırmaq və razılığa gəlmək istiqamətində işi davam etdirmək barədə razılığa gəliblər.

Ukrayna üzrə diplomatik təmaslar son aylarda intensivləşib. İsveçrə neytral platforma kimi tez-tez yüksək səviyyəli beynəlxalq danışıqlara ev sahibliyi edir. ABŞ administrasiyası isə münaqişənin siyasi həlli üçün birbaşa dialoq mexanizmlərinin gücləndirilməsinə çalışdığını bildirir.

Gülnar