SEPAH Xameneinin öldürülməsinə cavab olaraq geniş əməliyyatlara başlayır

İranın İslam İnqilabı Keşikçiləri Korpusu (SEPAH) ABŞ və İsrail qüvvələrinin hava hücumlarında Ali Lider Əli Xameneinin ölümünə cavab olaraq geniş əməliyyatlara başlayacağını açıqlayıb.Bu barədə İran mediası xəbər verir.

SEPAH-ın bəyanatında, qrupun “qatillərin ağır və qəti cəzalandırılması” üçün tədbirləri davam etdirəcəyi bildirilib. Bəyanatda Xameneinin ölümü “dini, əxlaqi, hüquqi və beynəlxalq normaların pozulması” kimi qiymətləndirilib.

Hökumət də yayımladığı açıqlamada cinayətkarların cəzasız qalmayacağını və “İslam ümməti ilə dünya azadlıqsevərlərinin dəstəyi ilə məsul şəxslərin peşman ediləcəyini” bildirib.