Ermənistan yerli smartfon və planşet istehsal edəcək

Ermənistan gələn ilin yanvarından etibarən smartfon telefonların və planşet kompüterlərin yerli istehsalına başlayacaq.

Lent.az-ın Ermənistan mətbuatına istinadən xəbərinə görə, bu barədə artıq Ermənistan Nazirlər Kabinetində müzakirələr aparılıb və baş nazir Tiqran Sarkisyanın razılığı alınıb.

Yerli texnologiya müvafiq olaraq “Armfon” və “Armtab” adlandırılacaq və Ermənistan-ABŞ birgə ortaqlığı ilə  istehsal olunacaq.

Məlumatda bildirilir ki, ilk sadə smartfon telefonlar artıq hazırdır. Android sistemlə işləyəcək telefonlar ABŞ-lı mütəxəssislər tərəfindən hazırlanacaq. Telefon və planşetlərin ləvazimatları ABŞ və Honk-Konqdan idxal ediləcək.

Ermənistan mətbuatının yazdığına görə, yeni telefon və planşetlər yüksək dünya standartlarına cavab verəcək, eyni zamanda onların qiymətləri daha ucuz olacaq.

Lent.az