Tramp, Netanyahu və Aunun görüşü mayın ikinci ongünlüyünə planlaşdırılır

ABŞ Prezidenti Donald Tramp, İsrailin Baş naziri Benyamin Netanyahu və Livan Prezidenti Cozef Aunun görüşünün may ayının ikinci ongünlüyündə Vaşinqtonda keçirilməsi planlaşdırılır.Bu barədə “i24NEWS”un diplomatik müxbiri Qay Azriel “X” sosial şəbəkəsində bildirib.

Onun sözlərinə görə, Netanyahu təxminən iki həftə yarım sonra Vaşinqtona səfər edərək Tramp və Aunla üçtərəfli sammitdə iştirak edə bilər.

Məlumatda qeyd olunur ki, səfər hələ planlaşdırma mərhələsindədir və təhlükəsizlik vəziyyəti, o cümlədən hərbi əməliyyatların bərpa olunmaması ilə bağlı şərtlərdən asılı olacaq.