Bolqarıstanda NATO təlimləri keçiriləcək

NATO mayın 26-dan iyunun 13-dək Bolqarıstanda “Strike Back” (Zərbəyə cavab) adlı hərbi təlimlər keçirəcək.Bu barədə Bolqarıstan Müdafiə Nazirliyi məlumat yayıb.

Məlumata əsasən, təlimlər çərçivəsində Bolqarıstan, Rumıniya, ABŞ və Türkiyə quru qoşunlarının bölmələri, eləcə də NATO-nun çoxmillətli qrupu Xaskovo şəhəri yaxınlığındakı “Koren” poliqonunda döyüş atışlı taktiki məşqlər yerinə yetirəcək.

Bildirilib ki, NATO hərbi texnikasının hərəkəti hərbi polis tərəfindən müşayiət olunacaq.