İraqda zəvvarları daşıyan avtobus yanıb, 25 nəfər ölüb

İraqın Ziqar və Bəsrə əyalətlərini birləşdirən magistral yolda sərnişin avtobusu ilə digər nəqliyyat vasitəsinin toqquşması nəticəsində azı 25 nəfər həlak olub, 17 nəfər yaralanıb.Bu barədə "Haber Global" xəbər verir. 

Toqquşmadan sonra avtobusda yanğın baş verib. Rəsmilər yaralıların bir qisminin vəziyyətinin ağır olduğunu və ölənlərin sayının arta biləcəyini bildiriblər.

Məlumata əsasən, ölən və yaralananlar Kərbəla ziyarətindən Bəsrəyə qayıdan zəvvarlar olublar.

Hadisə yerinə Ziqar qubernatoru Heytəm Əziz Həmdani gəlib. Səlahiyyətli orqanlar qəzanın səbəblərinin araşdırıldığını açıqlayıblar.