Hörmüz boğazından 11 mindən çox dənizçi təxliyə ediləcək

Beynəlxalq Dəniz Təşkilatı (IMO) Hörmüz boğazında qalmış 11 mindən çox dənizçinin təxliyəsi planının icrasına başlayıb.Bu barədə təşkilatın baş katibi Arsenio Dominges IMO-nun saytında dərc olunan bəyanatında bildirib.

Onun sözlərinə görə, genişmiqyaslı əməliyyat İran, Oman, regionun digər sahilyanı dövlətləri, ABŞ və dəniz sənayesi nümayəndələri ilə sıx koordinasiya şəraitində həyata keçiriləcək.

Dominges bildirib ki, əməliyyatın başlanması üçün zəruri təhlükəsizlik təminatları artıq əldə olunub.

IMO-nun baş katibi qeyd edib ki, ABŞ və İran arasında əldə olunmuş razılaşma dəniz təhlükəsizliyinin bərpasında yeni mərhələnin başlanğıcıdır. Onun sözlərinə görə, sənəd mülki gəmiçiliyə hücumların dayandırılması və regionda vəziyyətin sabitləşdirilməsi istiqamətində mühüm addımdır.