Nyu-Yorkda naməlum şəxs "Federal Plaza"nın qarşısında yanğın törədib

ABŞ-ın Nyu-York şəhərindəki 26 Federal Plaza binasının qarşısında naməlum maye tökərək fişənglər atan və yanğın törədən şəxs saxlanılıb.Bu barədə ABŞ mediası məlumat yayıb. Hadisə ilə bağlı araşdırmanı Nyu-York polisi və Federal Təhqiqat Bürosu (FTB) aparır.

Məlumata görə, binada federal immiqrasiya məhkəməsi, ABŞ Miqrasiya və Gömrük Mühafizəsi Xidmətinin (ICE) ofisləri, eləcə də miqrantların müvəqqəti saxlanma mərkəzi yerləşir.

İlkin məlumata əsasən, hadisə nəticəsində iki nəfər yüngül xəsarət alıb. Rəsmilər insidenti hökumətə qarşı yönəlmiş hücum kimi qiymətləndirir. FTB direktoru Keş Patelin sözlərinə görə, şübhəli saxlanılıb və ondan pnevmatik tapança götürülüb.