Si Cinpin Qırğızıstana səfər edəcək

Çin Xalq Respublikasının Sədri Si Cinpin avqustun 31-dən sentyabrın 1-dək Qırğızıstana dövlət səfəri edəcək və Şanxay Əməkdaşlıq Təşkilatının (ŞƏT) dövlət başçılarının sammitində iştirak edəcək.Bunu Qırğızıstanın xarici işlər naziri Jeenbek Kulubayev çinli həmkarı Van İ ilə görüşü zamanı bildirib. 

Kulubayevin sözlərinə görə, görüşdə Si Cinpinin dövlət səfərinə hazırlıq və onun ŞƏT sammitində iştirakı ilə bağlı məsələlər müzakirə olunub.

Nazir bildirib ki, son illərdə Qırğızıstan və Çin arasında münasibətlər qarşılıqlı hörmət və bir-birinin maraqlarının nəzərə alınması prinsipləri əsasında ardıcıl inkişaf edib. Onun sözlərinə görə, iki ölkə arasında siyasi fikir ayrılığı yoxdur və ali səviyyədə müntəzəm təmaslar artıq sabit ənənəyə çevrilib.

ŞƏT-in dövlət başçılarının sammiti avqustun 31-dən sentyabrın 1-dək Qırğızıstanda keçiriləcək.