Tramp bu gün Netanyahu və Zelenski ilə ayrı-ayrılıqda görüşəcək

ABŞ Prezidenti Donald Tramp bu gün Ağ Evdə İsrailin Baş naziri Binyamin Netanyahu və Ukrayna Prezidenti Volodimir Zelenski ilə ayrı-ayrılıqda görüşəcək.

Reuters yazır ki, Trampın hər iki liderlə münasibətləri fərqli mərhələdədir. Agentliyin məlumatına görə, Ukraynanın Rusiyanın irəliləyişlərini cilovlaması fonunda Trampla Zelenski arasında münasibətlər yaxşılaşıb.

Netanyahunun Vaşinqton səfəri isə Ağ Evdə İranla bağlı daha geniş razılaşmanın əldə olunmamasından narazılığın artdığı və Trampın bəzi tərəfdarlarının ABŞ-ın Yaxın Şərqdə daha fəal iştirakını tənqid etdiyi bir vaxta təsadüf edir.

Reuters qeyd edir ki, Netanyahu və Zelenski Vaşinqtona ABŞ senatoru Lindsi Qrehemin dəfn mərasimində iştirak etmək üçün gəliblər.

Gülnar Nazimqızı