Tramp İranla razılaşma əldə olunması perspektivlərini şərh edib

ABŞ Prezidenti Donald Tramp İranın iqtisadi vəziyyətinin pisləşdiyini və sonda Tehranla razılaşmaların əldə olunacağını bildirib.

Bu barədə Ağ Ev rəhbəri "Axios" portalına müsahibəsində danışıb.

"Biz səssiz şəkildə hərəkət edirik", - deyə ABŞ Prezidenti Tehrana qarşı atılacaq növbəti addımlardan danışarkən bildirib.

Materialda izah olunub ki, "ABŞ rəsmiləri Trampın bir həftə əvvəl İrana qarşı genişmiqyaslı hərbi əməliyyatları bərpa etməyə meylli olduğunu, lakin daha sonra onu hələlik gərginliyin azaldılması yolunu seçməyə inandırdıqlarını bildiriblər".

"Biz onlarla yalnız qismən danışıqlar aparırıq. Biz sadəcə olaraq inflyasiyanın çox yüksək olduğu və pulunun olmadığı İrana baxırıq", - portal Trampın sözlərini sitat gətirib.

Onun fikrincə, iqtisadi baxımdan İran "çox pis vəziyyətdədir".

ABŞ liderinin hesab etdiyi kimi, bu, xüsusilə ölkəsi tərəfindən İrana tətbiq edilən dəniz blokadası ilə əlaqədardır.

"Hər şey nəticə verəcək. Hər şey həmişə nəticə verir. Bu, şahmat oyunu kimidir", - deyə Tramp İranla razılaşma əldə olunması perspektivlərini şərh edib