Xorvatiyada təyyarə qəzasında iki nəfər ölüb

Xorvatiyanın Zadar şəhəri yaxınlığında yüngül mühərrikli təyyarənin qəzaya uğraması nəticəsində iki nəfər ölüb.Bu barədə Xorvatiya polisi məlumat yayıb.

Məlumata görə, Çexiyadan havaya qalxan təyyarə ilə əlaqə kəsildikdən sonra axtarış əməliyyatına başlanılıb.

Polisin məlumatına görə, axtarışlar nəticəsində hava gəmisinin qalıqları və iki nəfərin meyiti saat 22:00 radələrində aşkar edilib.

Təyyarənin qalıqları Zadar şəhərindən təxminən 60 kilometr şimal-şərqdə, Paklenitsa Milli Parkının dağlıq ərazisində tapılıb. Hadisənin səbəbləri araşdırılır.