Kiyev sakinlərinə su və qida ehtiyatı toplamaq barədə xəbərdarlıq edilib

Ukraynanın paytaxtı Kiyevin sakinlərinə mümkün fövqəladə hallara hazırlaşmaq üçün su və qida ehtiyatı toplamaq, portativ enerji mənbələrini doldurmaq tövsiyə olunub.Bu barədə şəhər administrasiyası məlumat yayıb.

Bildirilib ki, Rusiya ordusunun enerji sektoruna hücumlarının intensivliyinin daha da artacağı gözlənilir.

Sakinlərə azı üç günlük su ehtiyatı toplamaq, portativ enerji mənbələrini doldurmaq, fənər, batareya və şam hazırlamaq, uzun müddət saxlanıla bilən ərzaq ehtiyatı yaratmaq, həmçinin pəncərə və otaqların izolyasiyasını təmin etmək tövsiyə olunub.